Առաջարկում եմ հրավիրել ԿԳՄՍ փոխնախարարին և քննարկել ԲՈԿ-ի նախագահի հրաժարականի խնդրահարույց պնդումները. Աննա Կոստանյան

Իրադարձային 21.05.2020   11:34   109

ԱԺ գիտության, կրթության, մշակույթի, սպորտի, երիտասարդության եւ սփյուռքի հարցերով հանձնաժողովի նախագահ Մխիթար Հայրապետյանին առաջարկում եմ հրավիրել ԿԳՄՍ փոխնախարար Գրիշա Թամրազյանին Ազգային ժողով եւ առնվազն հանձնաժողովի պատգամավորների ներկայությամբ քննարկել թե՛ ԲՈԿ-ի նախագահի հրաժարականի հիմք հանդիսացած մի շարք խնդրահարույց պնդումները, թե՛ տարատեսակ չհստակեցված լուրերը, որոնք շրջանառվում են մամուլում։ Այս մասին ֆեյսբուքյան իր էջում գրել է ԼՀԿ պատգամավոր Աննա Կոստանյանը։

Նա, մասնավորապես, գրել է.

«Քանի որ ԿԳՄՍ փոխնախարարի շուրջ «ինտրիգներն» ավելի են խորանում եւ հանրությունն էլ կարիք ունի մանրամասն հասկանալու, թե ինչ խմորումներ են գնում, իսկ մեզ` ԱԺ պատգամավորներիս համար առնվազն ի վերջո պարզելու, թե ինչ խնդիրներ կան նախարարությունում, որոնք մի շարք աշխատանքներ էլ հետ են գցում բնականոն հունից, ԱԺ գիտության, կրթության, մշակույթի, սպորտի, երիտասարդության եւ սփյուռքի հարցերով հանձնաժողովի նախագահ Մխիթար Հայրապետյանին առաջարկում եմ հրավիրել ԿԳՄՍ փոխնախարար Գրիշա Թամրազյանին Ազգային ժողով եւ առնվազն հանձնաժողովի պատգամավորների ներկայությամբ քննարկել թե' ԲՈԿ-ի նախագահի հրաժարականի հիմք հանդիսացած մի շարք խնդրահարույց պնդումները, թե' տարատեսակ չհստակեցված լուրերը, որոնք շրջանառվում են մամուլում։ Դեմ առ դեմ, ոչ կուլիսային քննարկումը խնդրի լուծման լավագույն տարբերակն է։

Պարոն Գոգյանին առաջարկում եմ քննարկմանը ներկա գտնվել։

Ձեւաչափը կարող ենք միասին որոշել, որպեսզի ԱԺ աշխատանքային ընթացակարգերին չհակասի։

Հ.Գ. Լավ կլինի ԿԳՄՍ նախարարը եւս մասնակցի այս ԿԱՌՈՒՑՈՂԱԿԱՆ քննարկմանը»։



 Պիտակներ
         ԿԳՄՍ


 Նմանատիպ նյութեր

 Մեկնաբանություններ 0
avatar
Copyright © 2018 ScanNEWS. Design created by Fon