Ապրում ենք…

Մտորման համար 11.07.2019   23:30   218
  • »»» Աջակցեք անկախ լրատվամիջոցների կայացմանը

    Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE

    Mobi Dram  110190189022

    Idram  ID952381517 Web Money  R397182815590, Scrill  109516795

    Հետհեղափոխական Հայաստանում անկախ լրատվիմիջոցներ չլինելու պատճառը հովանավորներ չունենալն է։ Անկախ են այն լրատվամիջոցները, որոնք գործում են ինքնաֆինանսավորմամբ։ Միմիայն ընթերցողից կախում ունենալու և միմիայն հանուն ընթերցողի աշխատելու նպատակով առաջարկում ենք հանգանակությունների միջոցով աջակցել անկախ լրատվամիջոցների կայացմանը։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Մենք միշտ մտածում ենք՝ ինչպես ապրենք, որ շրջապատը գոհ մնա, ու երբեք չենք մտածում՝ ինչպես ապրենք, որ մենք գոհ լինենք ապրած կյանքից:

Շրջապատը, որտեղ կայանում ենք, իհարկե մեծ ազդեցություն է թողնում մեզ վրա. փոխում է մտածելակերպը, աշխարհընկալումը, իրերին ու երևույթներին այլ կերպ նայելու կարողությունը: Միանշանակ չեմ կարող ասել, որ շրջապատը մարդուն միշտ դեպի դրականն է տանում, ցավոք լինում են դեպքեր, երբ սխալ միջավայր ենք ընկնում, սխալ քայլեր անում, ինքներս մեզ փորձում կործանել, բայց ամեն մի փորձության հետ ավելի ենք ուժեղանում: Ասում են՝ Աստված մեզ փորձությունների մեջ է ճանաչում: Այս ամենի մեջ իսկապես ճշմարտություն կա: Շատ կարևոր է, որպեսզի փորձությունների մեջ չկորցնենք առողջ մտածելու և դատելու կարողությունը: Դժվարություններ կյանքում միշտ են լինելու, բայց թե ինչպես կմոտենանք դրանց ու ինչպես կգտնենք լուծումներ՝ պայմանավորված է մեր անձով:

Արդյո՞ք մենք ապրում ենք այնպես, ինչպես կկամենայինք: Այս հարցին պատասխանելը մի փոքր դժվար է, բայց եթե անկեղծ լինենք ինքներս մեզ հետ, ապա պետք է ասենք՝ ինչ-որ բան, ամեն դեպքում, մեր ապրածի մեջ մեզ չի գոհացնում: Պատճառները շատ տարբեր են, երբեմն վախենում ենք, երբեմն՝ ամաչում, երբեմն համարձակությունն է պակասում, երբեմն ցանկությունն է բացակայում, ու ցավը նրանում է կայանում, որ այս ամենի համար երբեք մեզ չենք մեղադրում:

Միշտ սպասում ենք, որ կյանքը պետք է հեշտությամբ տրվի մեզ, ամեն բան հարթ ու սահուն ընթանա, առանց խոչընդոտների: Երբ սպասումները չեն արդարանում, կյանքի հանդեպ հավատն է կորում, Աստծուն մեղադրելու ցանկություն է առաջանում: Ու երբ հավատն ենք կորցնում, այդ պահից սկսած, ամեն ինչ ենք կորցնում:

Բոլորս էլ ապրել ենք ուզում, այո, դա բնական պահանջ է, բայց ի՞նչ ենք տալիս կյանքին, որ կյանքը մեզ ապրեցնի:

Կյանքը արևածագից է սկսվում… Ամեն առավոտ, երբ բացում ենք մեր աչքերը, նայում աշխարհին, զգում ու վայելում կյանքի գեղեցկությունը, չպետք է մոռանանք, որ ևս մեկ հնարավորություն ունենք փոխելու այն ամենը, ինչը մեզ խանգարում է լիարժեք ապրել:

Մենք երջանիկ ենք, որ ապագան չենք տեսնում, որովհետև ապագայի սպասումով ապրելը ու ամեն հաջորդ ակնթարթին սպասելը, միայն, ավելացնում է ապրելու ցանկությունը:

Մարիետտա Խաչատրյան

Աղբյուրը՝ qahana.am


 Լուսանկարներ


 Պիտակներ
         երջանիկ


 Նմանատիպ նյութեր

 Մեկնաբանություններ 0
avatar
Copyright © 2018 ScanNEWS. Design created by Fon