ԱՄՆ պետքարտուղարը կոչ է արել Թուրքիային հրաժարվել ռուսական Ս-400-ից

Աշխարհ 25.03.2021   09:02   31

ՆԱՏՕ-ի երկրների արտգործնախարարների բանակցությունների շրջանակներում ԱՄՆ պետքարտուղար Էնթոնի Բլինկենը հանդիպել է Թուրքիայի արտգործնախարար Մեվլութ Չավուշօղլուի հետ: Այս մասին հայտնում է ԱՄՆ Պետդեպարտամենտը:

«Պետքարտուղար Բլինկենը Թուրքիային հորդորել է իրենց մոտ չպահել ռուսական Ս-400 զենիթահրթիռային համակարգերը», – ասվում է հաղորդագրության մեջ:

Բացի այդ, Պետդեպարտամենտի ղեկավարը մտահոգություն է հայտնել Ստամբուլի կոնվենցիայից Թուրքիայի դուրս գալու կապակցությամբ և ընդգծել է «ժողովրդավարական ինստիտուտների և մարդու իրավունքները հարգելու կարևորությունը»:

Իր հերթին, Չավուշօղլուն ԱՄՆ պետքարտուղարի հետ հանդիպման ժամանակ հայտարարել է, որ Ռուսաստանի հետ Ս-400- ի գնման գործարքն «արդեն կնքված է», հայտնում է Reuters-ը։

«Ինչ վերաբերում է Ս-400- ին, մենք ևս մեկ անգամ հիշեցրինք Միացյալ Նահանգներին, թե ինչու էր Թուրքիան ստիպված դրանք գնել, և կրկնեցինք, որ Թուրքիան արդեն գնել է դրանք, սա կնքված գործարք է», – նշել է թուրք նախարարը:

 


 Պիտակներ



 Նմանատիպ նյութեր

 Մեկնաբանություններ 0
avatar
Copyright © 2018 ScanNEWS. Design created by Fon uWeb