ԱՄՆ պետքարտուղարության ներկայացուցիչին ներկայացլել են ՀՀ արդարադատության ոլորտի բարեփոխումները

Իրադարձային 31.10.2019   14:25   87
  • »»» Աջակցեք անկախ լրատվամիջոցների կայացմանը

    Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE

    Mobi Dram  110190189022

    Idram  ID952381517 Web Money  R397182815590, Scrill  109516795

    Հետհեղափոխական Հայաստանում անկախ լրատվիմիջոցներ չլինելու պատճառը հովանավորներ չունենալն է։ Անկախ են այն լրատվամիջոցները, որոնք գործում են ինքնաֆինանսավորմամբ։ Միմիայն ընթերցողից կախում ունենալու և միմիայն հանուն ընթերցողի աշխատելու նպատակով առաջարկում ենք հանգանակությունների միջոցով աջակցել անկախ լրատվամիջոցների կայացմանը։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Արդարադատության նախարարի տեղակալ Քրիստիննե Գրիգոյանն այսօր ընդունել է ԱՄՆ պետքարտուղարության Կովկասի ու տարածաշրջանային հակամարտությունների գրասենյակի տնօրեն Շերիլ Ֆերնանդեսի գլխավորած պատվիրակությանը:

Ողջունելով հյուրերին՝ փոխնախարար Գրիգորյանն ընդգծել է կողմերի միջեւ առկա համագործակցության բարձր մակարդակը:

Շերիլ Ֆերնանդեսն իր հերթին շնորհակալություն է հայտնել ընդունելության համար:

Հանդիպման ընթացքում փոխնախարար Գրիգորյանը ներկայացրել է Արդարադատության նախարարության կողմից իրականացվող բարեփոխումների շղթան: Մանավորապես՝ հակակոռուպցիոն ռազմավարության համատեքստում փոխնախարարը ներկայացրել է կոռուպցիայի կանխարգելման, դրա դեմ պայքարի եւ հակակոռուպցիոն կրթության բաղադրիչները:

Անդրադառնալով դատաիրավական բարեփոխումներին՝ Քրիստիննե Գրիգորյանը ներկայացրել է ռազմավարության կարճաժամկետ, միջնաժամկետ եւ երկարաժամկետ նպատակներն ու դրանց հասնելու գործողությունների ծրագիրը: Փոխնախարարը ներկայացրել է նաեւ Մարդու իրավունքների պաշտպանության, ինչպես նաեւ ներկայում մշակվող Քրեակատարողական եւ պրոբացիայի ոլորտների ռազմավարությունների շրջանակում նախարարության կողմից իրականացվելիք աշխատանքները:

Շերիլ Ֆերնանդեսն արդյունավետ է գնահատել փոխնախարարի հետ հանդիպումն ու ընդգծել Հայաստանում կոռուպցիայի դեմ պայքարին նպաստող հաստատությունների ձեւավորման հարցում Միացյալ Նահանգների եւ Հայաստանի Հանրապետության գործընկերությունը:

Ամփոփելով հանդիպումը՝ կողմերը համագործակցության խորացման բարձր պատրաստակամություն են հայտնել:


 Լուսանկարներ


 Պիտակներ



 Նմանատիպ նյութեր

 Մեկնաբանություններ 0
avatar
Copyright © 2018 ScanNEWS. Design created by Fon