Ամենաերկար կամուրջը՝ ստեղծված 3D տպագրության միջոցով

Art News 11.02.2020   21:00   883

Պեկինի ճարտարապետության համալսարանական դպրոցի մասնագետների թիմը 3D տպագրության միջոցով 26,3 մետր երկարությամբ բետոնե կամուրջ է պատրաստել, որը նրանց պնդմամբ ամենաերկարն է աշխարհում:

Ինչպես հայտնում է Dezeen պորտալը, 3,6 մետր լայնությամբ հետիոտն կամուրջն անցնում է Շանհայում գտնվող ջրանցքի վրայով: Կամուրջը նախագծել են ճարտարապետական դպրոցի գիտնականները:

Նրանց խոսքով՝ կամրջի աղեղնաձև տեսքը փոխառել են Չինաստանի ամենահին կանգուն կամրջից:

Հաստատության կարծիքով՝ կամրջի կառուցումը նշանակալի քայլ է տեխնոլոգիական հմտություններն առօրյա կյանքում օգտագործելու մշակույթի ձևավորման հարցում:

Կամուրջը կառուցվել է 176 բետոնե կտորից, որոնք տպվել են երկու ռոբոտ սարքի օգնությամբ: Բոլոր բաղադրիչները տպվել են 450 ժամում:



 Պիտակներ
         անսովոր կամուրջներ


 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon