Ամանորյա միջոցառումների 100 մլն. դրամը կտրամադրվի Ստեփանակերտի վերականգնմանը

Իրադարձային 25.11.2020   10:30   61

Երեւանի Ավագանու այսօրվա նիստին հաղորդվեց, որ Ամանորյա միջոցառումների 100 մլն. դրամը կտրամադրվի Ստեփանակերտի վերականգնմանը: 

Երեւանի քաղաքապետ Հայկ Մարությանը այս կապակցությամբ Ֆեյսբուքի իր էջում գրում է.

«Երեւանը շարունակում է օգնել Ստեփանակերտին՝ շուտափույթ վերականգնման հարցում։

Երևանի ավագանին քիչ առաջ միաձայն որոշումով բյուջեից եւս ֏ 100 միլիոն հատկացրեց Ստեփանակերտին։

Այդ նպատակով, 2020-ի բյուջեով ամանորյա տոնակատարությունների, քաղաքի արտաքին ձեւավորման եւ այլ տոնական միջոցառումների իրականացման համար նախատեսված 100 մլն դրամ գումարը վերաբաշխվեց եւ կուղղվի Արցախի Հանրապետության մայրաքաղաք Ստեփանակերտի թիրախավորման հետևանքով վնասված քաղաքացիական ենթակառուցվածքների և օբյեկտների վերականգնողական կապիտալ աշխատանքների իրականացմանը»։


 Պիտակներ
         Ստեփանակերտի վերականգնմանը


 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uWeb