Ահաբեկչական հարձակում Նիգերում․ 137 մարդ զոհվել է

Աշխարհ 23.03.2021   18:10   51

Նիգերում՝ Մալիի սահմանին մոտ գտնվող գյուղերում, ահաբեկչական հարձակման զոհ է դարձել 137 մարդ։

Այս մասին հայտնում է Deutsche Welle-ն՝ հղում կատարելով տեղի կառավարության ներկայացուցչին։

Նշվում է, որ մոտոցիկլետներով գրոհայինները «ռեյդեր» են իրականացրել մի քանի գյուղերում և կրակել այն ամենի վրա, ինչ շարժվել է։ «Կառավարությունը դատապարտում է կատարված դաժան գործողությունները։ Նրանք ո՛չ հավատ գիտեն, ո՛չ օրենք»,- նշել է կառավարության խոսնակը՝ հավելելով, որ կառավարությունը խոստանում է ամրապնդել տարածաշրջանի անվտանգությունը և պատասխանատվության ենթարկել «այդ վախկոտ և հանցավոր գործողությունների հեղինակներին»:

Երկրում եռօրյա համազգային սուգ է հայտարարվել։

 


 Պիտակներ
         Նիգեր


 Նմանատիպ նյութեր

 Մեկնաբանություններ 0
avatar
Copyright © 2018 ScanNEWS. Design created by Fon uWeb