Ադրբեջանը պատերազմին կիրառե՞լ է թուրքական TRLG-230 համակարգեր

Արսենալ 06.01.2021   12:30   63

Սոցցանցերում վերջին օրերին տարածվել է մի տեսանյութ, որտեղ երևում է ադրբեջանական «Կամազ» մեքենայի վրա մոնտաժված համազարկային կրակի ռեակտիվ համակարգի գործարկում։ Այս մասին հայտնում է Razm.info-ն։

Պատկերում երևացողը բավական նման է թուրքական Roketsan ընկերության արտադրած TRLG-230 ՀԿՌՀ-ներին, սակայն չենք պնդում, որ երևացողը հենց դա է, քանի որ TRLG-230 համակարգերը դեռ նոր են և չկան նույնիսկ թուրքական սպառազինությունում։

Այս համակարգերը «Կամազ» մեքենաների վրա փորձարկվել էին 2020թ. օգոստոսին։ Համակարգը հագեցած է լազերային ուղղորդվող հրթիռներով։ Տեսանյութում երևում է, որ դրանք փորձարկվում են թուրքական Bayraktar TB2 ԱԹՍ-ների հետ․ ԱԹՍ-ն նշում է թիրախը, հրթիռը՝ խոցում այն։

Այն ժամանակ ենթադրելի էր, որ «Կամազ»-ի վրա փորձարկումները կարող են հենց Ադրբեջանի համար լինել։


 Պիտակներ
         TRLG-230


 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uWeb