ՌԴ ԱԳՆ-ն առաջարկել է «փաթեթով» լուծել ԱՄՆ-ում բանտարկված ռուսների հարցը

Աշխարհ 15.06.2021   14:00   59

ՌԴ ԱԳ փոխնախարար Սերգեյ Ռյաբկովն առաջարկել է միանգամից լուծել ԱՄՆ-ում բանտարկված ռուսաստանցիների հարցը: «Իզվեստիային» տված հարցազրույցում նա ասել է, որ դրա համար անհրաժեշտ է գործարկել «Դատապարտյալների փոխանցման մասին» Եվրոպայի խորհրդի կոնվենցիայի մեխանիզմը:

«Մենք կարող ենք բառացիորեն միանգամից լուծել իրավիճակը՝ կապված մեր հայրենակիցների հետ, ովքեր ապշեցուցիչ պատժաժամկետներ են կրում Միացյալ Նահանգներում: Եթե ​​ամերիկացիները համաձայնեն գործարկել Եվրոպայի խորհրդի կոնվենցիայի մեխանիզմը, մենք պատրաստ ենք ի պատասխան նրանց հանձնել իրենց քաղաքացիներին», – ասել է դիվանագետը:

Այնուամենայնիվ, հավելել է, որ փոխանակվող բանտարկյալների շարքում տեղ չեն կարող գտնել լրտեսության համար դատապարտված օտարերկրացիները, ինչպես օրինակ՝ Միացյալ Նահանգների, Մեծ Բրիտանիայի, Կանադայի և Իռլանդիայի քաղաքացի Փոլ Ուիլանը, ում  Մոսկվայի դատարանը 2020թ-ին 16 տարվա ազատազրկման է դատապարտել։


 Պիտակներ
         ՌԴ ԱԳՆ


 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uCoz