ԿԸՀ-ն կքննարկի «Լուսավոր Հայաստանի» դիմումը

Քաղաքական 07.07.2020   14:52   514

Հուլիսի 8-ին ՀՀ կենտրոնական ընտրական հանձնաժողովը նիստում կքննարկի Ազգային ժողովի «Լուսավոր Հայաստան» խմբակցության ղեկավարի դիմումը: Այս մասին հայտնում են ԿԸՀ մամուլի ծառայությունից։ 

ԿԸՀ նիստի օրակարագում միայն այդ մեկն հարցն է։ 

Հիշեցնենք, որ ԱԺ «Լուսավոր Հայաստան» խմբակցությունը գրությամբ դիմել է ՀՀ կենտրոնական ընտրական հանձնաժողով՝ վերականգնելու համար ՀՀ ԱԺ «Լուսավոր Հայաստան» խմբակցության մեկ մանդատը։

Պատգամավոր Անի Սամսոնյանը մանրամասնել էր. «Մեր կողմից ներկայացվել են իրավական հիմնավորումներ առ այն, որ ՀՀ ընտրական օրենսգրքի պահանջն է խորհրդարանում 1/3-ից ոչ պակաս ընդդիմության առկայությունը, իսկ ԱԺ կանոնակարգի վերլուծությունն ուղղակիորեն վկայում է այն մասին, որ ընդդիմադիր կարող է համարվել բացառապես մեկ սուբյեկտ՝ խմբակցությունը»։

Ըստ դիմումի, խնդիրն առաջացել է այն բանից հետո, երբ «Լուսավոր Հայաստան»-ի ցուցակով խորհրդարան անցած Արման Բաբաջանյանը դուրս է եկել խմբակցությունից ու վայր չի դրել մանդատը։


 Պիտակներ
         ԿԸՀ


 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uCoz