Հղիության ընթացքում յուրաքանչյուր սիգարետը կրկնապատկում Է երեխայի մահվան ռիսկը

Science News 01.05.2021   21:30   5195

Հղիության ընթացքում ծխելը զգալիորեն մեծացնում Է երեխայի հանկարծական մահվան (ԵՀՄ) ռիսկը: Դա հաստատել Է այն հետազոտությունը, որն անցկացրել են ԱՄՆ-ի մի շարք գիտական կենտրոնների, այդ թվում՝ Սիեթլի Մանկական հետազոտական ինստիտուտի (ՄՀԻ), ԱՄՆ-ի թոքաբանների ասոցիացիայի, Մանկաբարձների և գինեկոլոգների ամերիկյան քոլեջի, ինչպես նաև Բերքլիի Կալիֆոռնիական համալսարանի բժշկական ֆակուլտետի մասնագետները: Նրանց աշխատանքների արդյունքները հրապարակված են Մանկաբույժների ամերիկյան ակադեմիայի պաշտոնական հանդեսում:

Գիտնականները եկել են այն եզրակացության, որ ԵՀՄ-ի դեպքերի 23-ից մինչև 34 տոկոսը տեղի Է ունենում այն պատճառով, որ կանայք ծխում են հղիության շրջանում: Այդ կապակցությամբ ՄՀԻ-ի նյարդաբան Տատյանա Անդերսոնը ընդգծել Է, որ ոչ մի սիգարետ անհետևանք չի մնում, և «բժիշկները պարզապես պարտավոր են պացիենտներին տեղեկացնել հղիության ժամանակ ծխելը շարունակելու վտանգի մասին»:

Հետազոտության հեղինակները նաև ուշադրություն են դարձրել այն բանի վրա, որ ապագա մոր ծխելը կարող Է հանգեցնել մանկիկի քաշի նվազեցմանը 20 տոկոսով: Բացի այդ, այն զգալիորեն մեծացնում Է երեխայի մոտ այնպիսի վտանգավոր հիվանդությունների առաջացման ռիսկը, ինչպիսիք են՝ ասթման, աղեստամոքսային տրակտի դիսֆունկցիան, ճարպակալումը, հաղորդել Է ՏԱՍՍ-ը:


 Պիտակներ



 Նմանատիպ նյութեր

 Մեկնաբանություններ 0
Copyright © 2018 ScanNEWS. Design created by Fon uCoz